ولی عہد و زیراعظم شہزادہ محمد بن سلمان بن عبدالعزیز آل سعود نے مکہ مکرمہ میں ’کنگ سلمان گیٹ‘ منصوبے کا اعلان کیا ہے۔مکہ مکرمہ میں نئے دور کا آغاز ہونے جارہا ہے سعودی ولی عہد اور وزیرِاعظم شہزادہ محمد بن سلمان بن عبدالعزیز نے مکہ مکرمہ میں تاریخی ’’کنگ سلمان گیٹ‘‘ منصوبے کا اعلان کر دیا۔سعودی میڈیا کے مطابق یہ کثیر منصوبہ مسجدِ حرام کے قریب بارہ ملین مربع میٹر کے رقبے پر محیط ہوگا، منصوبے کا مقصد مکہ مکرمہ کے مرکزی علاقے کے بنیادی ڈھانچے میں معیاری تبدیلی لانا اور اسے عمرانی ترقی کا ایک عالمی ماڈل بنانا ہے۔
LOADING...
سعودی میڈیا کا کہنا ہے کہ یہ منصوبہ زائرینِ حرمین کے لیے سہولتوں، نقل و حمل اور اعلیٰ معیار کی خدمات کے فروغ میں اہم کردار ادا کرے گا، کنگ سلمان گیٹ میں نو لاکھ نمازیوں کے لیے اندرونی و بیرونی مصلیٰ جات اور وسیع صحنوں کی گنجائش رکھی گئی ہے۔منصوبہ براہِ راست عوامی ٹرانسپورٹ نظام سے منسلک ہوگا، منصوبے کے تحت انیس ہزار مربع میٹر پر مشتمل ثقافتی و تاریخی علاقوں کی تعمیرِ نو بھی کی جائے گی۔
سمو #ولي_العهد يعلن إطلاق مشروع #بوابة_الملك_سلمان في مكة المكرمة، الوجهة المتكاملة التي تمتد على إجمالي مسطحات بناء تصل إلى 12 مليون م² بجوار المسجد الحرام.
— Saud (@Saudfromabove) October 15, 2025
اتوقع هذا اول مشاريع رؤية ٢٠٤٠ الكبرى !!! pic.twitter.com/qwK0rRoopd
ایک تخمینے کے مطابق اس منصوبہ سے 2036 تک 3لاکھ سے زائد ملازمتیں پیدا ہوں گی، یہ منصوبہ سعودی عرب کے وژن 2030 کے اہداف سے مطابقت رکھنے کے ساتھ سعودی معیشت کو طویل المدتی ترقی اور بڑی تبدیلی کی جانب گامزن کرے گا۔
