پاکستان کی معروف گلوکارہ آئمہ بیگ کی فیشن برانڈ کے مالک زین احمد سے شادی کی افواہیں سامنے آرہی ہیں۔شوبز کے کچھ سوشل میڈیا پیجز پر یہ خبریں سامنے آئی ہیں کہ آئمہ بیگ اور زین احمد کینیڈا میں رشتہ ازدواج میں منسلک ہوگئے ہیں۔
LOADING...
یاد رہے کہ اس سے قبل بھی آئمہ بیگ اور زین احمد کے تعلقات کی خبریں سامنے آچکی ہیں اور دونوں کو مختلف عوامی مقامات پر ایک ساتھ بھی دیکھا جاچکا ہے۔
زین احمد کا پس منظر
میڈیا رپورٹس کے مطابق زین احمد کا تعلق لاہور سے ہے ، انہوں نے 2018 میں اپنے برانڈ کی بنیاد رکھی تھی۔ زین احمد ایک مشہور فیشن برانڈ کے مالک ہیں، اس فیشن برانڈ کے تحت خواتین اور مردوں کے ملبوسات ڈیزائن کیے جاتے ہیں جس کے ملبوسات بالی وڈ ہدایتکار و پروڈیوسر کرن جوہر، ریپر فرینچ مونٹانا اور اوسکر انعام یافتہ رض احمد بھی پہن چکے ہیں۔آئمہ بیگ نے 2021 میں اداکار شہباز شگری سے منگنی کی تھی تاہم ایک سال بعد ہی گلوکارہ نے شہباز سے تعلق ختم ہونے کا باضابطہ اعلان کردیا تھا۔
