26 آئی فون جسم پر چپکا کر سفر کرنے والی لڑکی کی اچانک موت

 برازیل کی ریاست “پاراناہ” میں ایک حیران کن واقعہ اس وقت پیش آیا جب ایک 20 سالہ لڑکی بس میں سفر کے دوران اچانک بے ہوش ہوگئی اور بعد میں اس کی موت واقع ہو گئی۔ مسافروں اور طبی عملے کو اس وقت شدید حیرت کا سامنا کرنا پڑا جب لڑکی کے جسم سے متعدد مہنگے موبائل فون برآمد ہوئے۔بین الاقوامی میڈیا رپورٹس کے مطابق لڑکی کو دورانِ سفر سانس لینے میں دشواری ہوئی اور اچانک اسے جھٹکے لگنے لگے۔ بس عملے نے فوری طور پر طبی امداد فراہم کرنے کے لیے ایمبولینس طلب کی، لیکن پیرا میڈکس کی 45 منٹ کی مسلسل کوشش کے باوجود اسے زندہ نہیں رکھا جا سکا۔ ابتدائی معائنے میں یہ معلوم ہوا کہ اسے دل کا دورہ پڑا تھا، تاہم موت کی اصل وجہ فرانزک رپورٹ آنے کے بعد واضح ہوگی۔

LOADING...

واقعے کے بعد جب طبی عملے نے لڑکی کے جسم کا جائزہ لیا تو وہاں سے 26 آئی فونز برآمد ہوئے جو اس کے جسم کے مختلف حصوں پر چپکنے والے مادّے (گوند) سے چپکائے گئے تھے۔پولیس کے مطابق یہ تمام موبائل فون لڑکی کے جسم سے اس انداز میں چپکائے گئے تھے جیسے وہ انہیں اسمگل کرنے کی کوشش کر رہی ہو۔ حکام نے برآمد شدہ تمام موبائل فونز کو فیڈرل ریونیو سروس کے حوالے کر دیا ہے، جبکہ تحقیقات جاری ہیں کہ لڑکی اس کام میں اکیلی تھی یا کسی بڑے گروہ کا حصہ تھی۔یہ افسوسناک واقعہ نہ صرف غیر قانونی اسمگلنگ کے ایک نئے انداز کو بے نقاب کرتا ہے بلکہ اس نے لوگوں کو شدید حیرت میں بھی مبتلا کر دیا ہے۔

حوالہ