چین: بوئنگ طیاروں کی درآمد پر عائد پابندی ختم

چین اور امریکا کے درمیان تجارتی معاہدہ طے ہونے کے بعد چین نے بوئنگ طیاروں کی درآمد پر عائد کی گئی پابندی ختم کردی۔بلوم برگ کی رپورٹ کے مطابق چینی حکام نے اپنی ایئرلائنز کو آگاہ کر دیا ہے کہ اب وہ امریکا کے تیار کردہ بوئنگ طیارے خرید سکتے ہیں۔ رپورٹ میں بتایا گیا کہ گزشتہ ماہ چین میں قائم بوئنگ کے ڈیلیوری سینٹر نے کم از کم 3 طیارے امریکا واپس بھیجے تھے۔

LOADING...

واضح رہے کہ چین اور امریکا کے درمیان تجارتی جنگ کا آغاز ہونے کے بعد چین نے اپنی ایئر لائنز کو حکم دیا تھا کہ وہ بوئنگ طیاروں کی مزید درآمد روک دیں۔چین نے یہ اقدام امریکا کے صدر ڈونلڈ ٹرمپ کی جانب سے چینی اشیاء پر 145 فیصد ٹیرف عائد کیے جانے کے بعد اٹھایا تھا۔چینی ایئر لائنز کو یہ بھی حکم دیا گیا تھا کہ وہ امریکی کمپنیوں سے آلات اور اسپئر پارٹس بھی نہ خریدیں۔ 

 حوالہ