بالی ووڈ کے سپر اسٹار شاہ رخ خان نے میٹ گالا 2025 میں پہلی بار شرکت کر کے دنیا بھر میں موجود اپنے مداحوں کی توجہ سمیٹ لی تاہم ان کا ڈیبیو لُک مداحوں کے دل جیتنے میں ناکام رہا۔
LOADING...
شاہ رخ خان نے اس تقریب میں سیاہ رنگ کے لباس میں شرکت کی، جو بظاہر منفرد اور شاہانہ تھا تاہم ان کے لُک کو لے کر سوشل میڈیا پر ملے جلے ردعمل دیکھنے کو ملے۔ کچھ صارفین نے ان کے انداز کو سراہا، جبکہ دیگر کو یہ لباس توقعات سے کم محسوس ہوا۔
سوشل میڈیا پر تنقید کرنے والوں نے یہاں تک کہ ان کے لُک کا موازنہ ہالی ووڈ اداکار جانی ڈیپ سے بھی کیا اور کہا کہ یہ انداز جانی ڈیپ کی کاپی لگتا ہے جبکہ زیادہ متاثر کن بھی نہیں ہے۔
واضح رہے کہ میٹ گالا 2025 میں ہزاروں دلوں پر راج کرنے والے بالی ووڈ اسٹار شاہ رخ خان کی موجودگی کو بین الاقوامی سطح پر سراہا گیا، لیکن ان کے فیشن کا انتخاب مداحوں کو متاثر نہ کرسکا۔
