وزیراعلیٰ پنجاب مریم نواز کی لاہور میں جرائم میں کمی پر لاہور پولیس کو شاباش ،وزیراعلیٰ سے آئی جی، سی سی پی اولاہور، ڈی آئی جی آپریشنز، ڈی آئی جی انویسٹی گیشن اورپولیس ٹیم نے ملاقات کی۔وزیراعلیٰ مریم نواز نے کرائم ریٹنگ میں کمی پر پولیس کی کاوشوں کو سراہا، وزیراعلیٰ نے لاہور میں جرائم میں کمی کو خوش آئند قرار دیا۔
LOADING...
مریم نواز کا کہنا تھا کہ ہر شہری کے جان ومال کا تحفظ ریاست کی ذمہ داری ہے،شہری امن و امان کے قیام کے لئے پولیس سے تعاون و معاونت کریں ،رینکنگ متعارف کرانے سے لاہور سمیت دیگر شہروں میں کرائم کی شرح میں کمی آرہی ہے ، کرائم کا گراف نیچے آنا شاندار پولیسنگ کا نتیجہ ہے۔
وزیراعلیٰ مریم نوازنے کہا کہ لاہورپولیس آپریشن ونگ کی کارکردگی کی بنیاد پر کرائم انڈکس میں لندن اور نیویارک سے محفوظ شہر قرار دیا جانا اہم سنگ میل ہے، کرائم فائٹنگ کی بہتر حکمت عملی کی بدولت لاہور سیف سٹی میں شامل ہوچکا ہے، لائن اینڈ آرڈر کے چیلنجز کے باوجود کرائم میں کمی کا ہدف پورا ہونا بہترین ٹیم ورک کا نتیجہ ہے۔
مریم نوازنے مزید کہا کہ سی ٹی ڈی کو فعال کردیا گیاہے،لاہور سمیت ہر شہر کو محفوظ ترین بنائیں گے، کے پی آئی متعارف کرانے سے پولیس اور انتظامیہ کی پرفارمنس بہتر ہوئی ہے، جدید ٹیکنالوجی، فوری فیڈ بیک اور موثر مانیٹرنگ سے پولیسنگ کو بہتر بنایا گیا ہے،پولیس میں احتساب کے عمل کو یقینی بنایا گیا ہے۔
