صوبہ پنجاب کے علاقے وزیر آباد میں بارات لے کر لڑکی والوں سے بدتمیزی کرنے والے دولہا کو کھانے کے بعد خالی ہاتھ واپس روانہ کرتے ہوئے دلہن کی شادی اس کے کزن کے ساتھ کردی گئی۔ تفصیلات کے مطابق علی پورچٹھہ کے نواحی علاقہ ورپال چٹھہ کے رہائشی فخر زمان چٹھہ نے اپنے ہمسایہ ڈاکٹر بلال احسن ہنجرہ سے اپنی بیٹی کی شادی طے کی۔
LOADING...
دونوں ہی خاندان زمیندار تھے تاہم دولہا ڈاکٹر بلال کا بیرون ملک کاروبار ہے، گزشتہ روز علی پورچٹھہ کے نجی میرج ہال میں شادی کی تقریب کا انتظام تھا جہاں علاقہ بھر سے لوگوں کی کثیر تعداد کو مدعو کیا گیا تھا۔بتایا گیا ہے کہ بارات پہنچی تو باراتیوں نے بینڈ باجے پر ڈانس کرتے ہوئے دلہا پر لاکھوں روپے نچاور کیے۔
، تاہم بارات کے استقبالیہ پر خواتین کی آپس میں تلخ کلامی ہوگئی اور سخت الفاظ کا تبادلہ ہونے پر معاملات گالم گلوچ تک پہنچ گئے، جس پر دلہن والوں نے فوری طور پر باراتیوں کو کھانا کھلایا اور نکاح بعد میں کرنے کا کہہ دیا، تاہام بارات نے جب کھانا کھالیا تو دلہن والوں نے نکاح سے انکار کردیا۔لڑکی والوں نے مؤقف اپنایا کہ ’آپ لوگوں کا رویہ نکاح سے پہلے ہی نامناسب ہے تو شادی کے بعد لڑکی کے ساتھ کیسا سلوک ہوگا۔
اس لیے کسی صورت بھی یہ نکاح نہیں کیا جائے گا‘، جس پر دولہا ڈاکٹر بلال مایوس اور ناکام واپس لوٹ گیا جب کہ لڑکی کے والد نے اپنی بیٹی کا نکاح شادی میں شرکت کے لیے آنے والے دلہن کے ماموں زاد سے کروادیا، انہوں نے دلہن کے ماموں زاد سے نکاح کرکے کروڑوں روپے مالیت کی قیمتی گاڑی بھی اسے دے دی۔
