ملائیشیا کے دارالحکومت کوالالمپور سے آسٹریلوی شہر سڈنی جانے والی پرواز کو اس وقت خطرے کا سامنا کرنا پڑا جب ایک مسافر نے دوران پرواز جہاز کا دروازہ کھولنے کی کوشش کی۔غیر ملکی خبر رساں ادارے کے مطابق سڈنی ائیرپورٹ پر 46 سالہ اردنی شہری نے گزشتہ اتوار کو طیارے کا دروازہ کھولنے کی دوبار کوشش کی اور روکے جانے پرکیبن کریو کے ایک رکن پر حملہ بھی کیا۔
LOADING...
سڈنی پولیس کے مطابق مذکورہ شخص نے دوران پرواز پہلے ہوائی جہاز کے پچھلے ایمرجنسی ایگزٹ ڈور کو کھولنے کی کوشش کی جس پر عملے کی جانب سے مذکورہ شخص کو ائیر لائن کی درمیانی سیٹ پر بٹھادیا گیا۔تاہم، ایک بار پھر مسافر نے طیارے کا سینٹرل دروازہ کھولنے کی کوشش کی اور جب اس شخص کو عملے اور مسافروں کی جانب سے روکا گیا ۔
تو اس دوران اس نے مبینہ طور پر ائیر لائن کے عملے کے ایک رکن پر بھی حملہ کیاپولیس کا بتانا ہے کہ مذکورہ شخص پر طیارے میں موجود مسافروں کی حفاظت کو دو مرتبہ خطرے میں ڈالنے اور ایک مرتبہ حملے کرنے کا الزام لگایا گیا ہے ، ملزم کو ہر جرم میں زیادہ سے زیادہ 10 سال قید کی سزا سنائی جاسکتی ہے۔
