پشاور میں رنگ روڈ جمیل چوک کے قریب گاڑی پر فائرنگ سے 7 افراد جاں بحق ہوگئے جب کہ شاہ پور میں فائرنگ کے ایک اور واقعے میں خاتون کانسٹیبل جاں بحق ہوگئی۔پشاور تھانہ پھندو کی حدود میں جمیل چوک رنگ روڈ پر نامعلوم افراد کی جانب سے ایک گاڑی پر فائرنگ کی گئی۔ پولیس کا کہنا ہے کہ مقتولین جمیل چوک میں واقعہ شادی ہال میں کھانا کھا کر نکلے تھے۔ لاشیں اسپتال منتقل کردیں گئیں۔
LOADING...
پولیس نے بتایا ہے کہ گاڑی پر فائرنگ کے نتیجے میں 7 افراد جاں بحق ہوگئے جب کہ ملزمان فائرنگ کے فوراً بعد وہاں سے فرار ہونے میں کامیاب ہوگئے۔پشاور پولیس کا کہنا تھا کہ ابتدائی تفصیلات کے مطابق رنگ روڈ پر فائرنگ کا واقعہ پرانی دشمنی کے باعث پیش آیا ہے۔پولیس نے جائے وقوع پر شواہد اکٹھا کرکے ملزمان کی تلاش شروع کردی اور لاشوں کو لیڈی ریڈنگ ہسپتال منتقل کردیا ہیں۔
تھانہ پھندو پولیس کے چلتی گاڑی پر فائرنگ کا واقعہ کے بعد ایس ایس پی آپریشنز پشاور مسعود احمد بنگش نے جائے وقوعہ کا دورہ کیا ہے ۔ صحافیوں سے گفتگو کرتے ہوئے ایس ایس پی آپریشنز کا کہنا تھا کہ چارسے پانچ مسلح ملزمان نے گاڑی پراندھا دھند فائرنگ کی گئی ایس ایس ایس پی کے مطابق فائرنگ کے واقعے میں تین اقسام کا اسلحہ استعمال ہوا، ملزمان نے کلاشنکوف ، 30 بور پستول اور ایم فور اسلحہ استعمال کیا، واقعے میں 7 افراد جاں بحق اور ایک راہگیر زخمی ہوا ہے۔
ابتدائی اطلاعات کے مطابق مقتولین کی سابقہ دشمنی تھی، جاں بحق افراد میں ایک صوابی سے تعلق رکھنے والا شخص بھی شامل ہے۔دوسری جانب پشاور کے تھانہ شاہ پور کی حددو میں نامعلوم ملزمان کی فائرنگ سے لیڈی پولیس کانسٹیبل جاں بحق ہوگئی۔پولیس کے مطابق مقتولہ لیڈی پولیس اہلکار تھی جو ضلع چارسدہ پڑانگ میں تعینات تھیں، پولیس نے جائے وقوع سے شواہد اکٹھے کرکے تفتیش شروع کردی ہے۔
