رواں ماہ مارچ کے دوران سعودی عرب میں انسداد بدعنوانی کے ادارے نے بدعنوانی کے الزام میں 82 سرکاری ملازمین کو گرفتار کیا ہے۔نزاھہ((انسداد بدعنوانی کا ادارہ)) نے اپنے ایکس اکائونٹ پر بیان میں بتایا کہ ادارے کے حکام نے رواں ماہ کے دوران سرکاری دفاتر اور نجی اداروں کے ایک ہزار 453 تفتیشی دورے کئے۔کئی سرکاری اداروں کے 313 افراد کے خلاف الزامات کی تحقیقات کی گئی۔
LOADING...
ان اداروں میں وزرت داخلہ، وزارت دفاع، وزارت صحت، وزارت افرادی قوت، وزارت بلدیات و ہائوسنگ اور زکوۃ، ٹیکس، کسٹم اتھارٹی شامل ہیں۔تفتیش کے بعد 82 افراد کو رشوت اور اختیارات کے ناجائز استعمال کے الزام میں گرفتار کیا گیا۔نزاھہ نے کہا کہ وہ سرکاری اور نجی اداروں میں تفتیشی دورے جاری رکھے گی ۔نزاھہ نے اپنے بیان میں مزید خبر دار کیا کہ ایسے جرائم میں ملوث افراد کو ملازمت کی مدت ختم ہونے کے بعد بھی جوابدہ ٹھہرایا جائے گا۔
