گوگل نے انسانوں کی طرح سوچنے والا نیا اے آئی ماڈل متعارف کروادیا، گوگل نے جیمنی 2.0 کے نام سے ایک نیا اے آئی ماڈل جاری کیا ہے، یہ ماڈل صارف کو بہتر جوابات دینے کیلئے سوالات کو چھوٹے مراحل میں تقسیم کر سکتا ہے،رپورٹ کے مطابق یہ ماڈل ڈیپ سیک اور چیٹ جی پی ٹی جیسے اے آئی چیٹ بوٹس کا مقابلہ کرنے کیلئے ڈیزائن کیا گیا ہے۔
LOADING...
گوگل نے سوشل میڈیا صارفین کیلئے اپنا جدید ترین اے آئی ماڈل (جیمنی 2.0) کے نام سے متعارف کروا کر سب کو حیران کر دیا ہے ۔گوگل کا اس حوالے سے کہنا ہے کہ اس نے یہ ماڈل متعارف کرانے میں تھوڑی تاخیر ضرور کی ہے مگر ان کا ماڈل اس وقت دنیا میں سب سے بہتر اور جدید ترین ہے۔رپورٹ میں یہ بھی بتایاگیا ہے کہ گوگل کا نیا جیمنی 2.0 فلیش تھنکنگ ماڈل اب کمپیوٹر اور موبائل ایپس دونوں پر استعمال کرنے کیلئے دستیاب ہوگا۔
اسے پہلی بار دسمبر 2024 میں متعارف کرایا گیا تھا جس کا مقصد اوپن اے آئی اور ڈیپ سیک جیسی کمپنیوں کے دیگر جدید AI سسٹمز کا مقابلہ کرنا ہے۔اس کے علاوہ گوگل ایپس کے ساتھ Gemini 2.0 Flash Thinking Experimental کے نام سے ایک نیا ورژن بھی جاری کر رہا ہے۔ یہ ورژن گوگل کی دیگر سروسز جیسے یوٹیوب، گوگل سرچ، اور گوگل میپس کے ساتھ سوچ سکتا ہے اور کام بھی کرسکتا ہے۔
یہ جیمنی کو زیادہ مددگار اور ذاتی نوعیت کا اے آئی اسسٹنٹ بنا دے گا۔جیمنی کے دو نئے ورژن اب کمپیوٹرز اور موبائل آلات پر تمام صارفین کیلئے دستیاب ہیں۔یہ ماڈلز پیچیدہ کاموں کو چھوٹے، آسان مراحل میں تقسیم کرکے کام کرتے ہیں۔ اس سے جیمنی کو مزید درست جوابات دینے میں مدد ملتی ہے۔ جیمنی 2.0 کے تین مختلف ماڈلز ہیں جن میں عام استعمال کیلئے جیمنی 2.0 فلیش، جدید کوڈنگ اور پیچیدہ کاموں کیلئے 2.0 پرو اور بجٹ کے موافق حل کیلئے 2.0 فلیش لائٹ ہے۔ یہ تمام ماڈلز جیمنی ایپ، گوگل اے آئی اسٹوڈیو، اور اے آئی ورٹیکس پلیٹ فارمز کے ذریعے قابل رسائی ہیں۔
