متحدہ عرب امارات نے ویزا پالیسی سے متعلق تازہ ہدایات جاری کر دی ہیں یو اے ای سفارتخانے کے ترجمان کے مطابق اب تمام اقسام کے ویزوں کے لیے درخواستیں صرف آن لائن ہی جمع کرائی جا سکیں گی۔ ویزا فیس 69 امریکی ڈالر فی فرد مقرر کی گئی ہے، جبکہ درخواست جمع کروانے کے بعد امیدوار کو نوٹیفکیشن موصول ہوگا۔
LOADING...
ترجمان نے مزید وضاحت کی کہ ویزا کے حصول کے لیے بینک اسٹیٹمنٹ میں کم از کم 5 ہزار امریکی ڈالر یا اس کے مساوی رقم موجود ہونا ضروری ہوگا۔ اس کے علاوہ، درخواست دہندگان کو اپنے قیام کے دوران رہائش کے انتظامات کا ثبوت بھی دینا ہوگا، جس میں ہوٹل کی بکنگ یا کسی اور جگہ کے قیام کی تصدیق شامل ہوگی۔
اس کے ساتھ ساتھ، ریٹرن ٹکٹ کی تصدیق شدہ کاپی دکھانا بھی لازمی قرار دیا گیا ہے۔ویزے کے لیے پاسپورٹ کی معیاد کم از کم 6 ماہ ہونی چاہیے، جبکہ ویزا فیس مخصوص الفلاح بینک اکاؤنٹ میں جمع کرانا لازمی ہوگا۔بچوں کے ویزے سے متعلق بھی نئی ہدایات جاری کی گئی ہیں۔
جن کے مطابق 5 سال سے کم عمر بچوں کو ویزا سینٹر جانے کی ضرورت نہیں ہوگی۔ 6 سے 15 سال کے بچوں کی تصویر ویزا سینٹر میں لی جائے گی، جبکہ 15 سال یا اس سے زیادہ عمر کے بچوں کو خود ویزا سینٹر جانا ہوگا۔ترجمان کے مطابق، ویزا پراسیسنگ اور بائیومیٹرک تصدیق کا عمل ویزا سینٹر میں مکمل کیا جائے گا۔
