جناح انٹرنیشنل ایئرپورٹ پر عالمی معیار کا جدید ایئر ٹریفک کنٹرول کمپلیکس اور فائر اسٹیشن تعمیر کیا جا رہا ہے۔ڈائریکٹر پلاننگ اینڈ پروجیکٹ کی سربراہی میں اس سلسلے میں ہیڈ کوارٹر میں اہم اجلاس ہوا، جس میں منصوبے سے متعلق بریفنگ دی گئی، جس میں کہا گیا کہ جدید ایئر ٹریفک کنٹرول کمپلیکس کی تعمیر اے ٹی سی کو مکمل حد نگاہ فراہم کرے گا۔ذرائع نے کہا ایک اندازے مطابق یہ منصوبہ 3 سال میں مکمل کیا جائے گا، اور منصوبے پر تقریباً 47 کروڑ روپے لاگت آئے گی۔
LOADING...
نئے اے ٹی سی ٹاور میں ایریا ریڈار سینٹر کو بھی منتقل کیا جائے گا، ریڈار ڈسپلے ایریا بھی شامل ہوگا، اور شعبہ فائر کے دفاتر اور فائر اسٹیشن بھی منتقل کیے جائیں گے۔موجودہ اے ٹی سی ٹاور 50 سال سے زیادہ پرانا ہے، ٹاور کی بلندی کم ہے تاہم ضروری آلات کی مدد سے سیفٹی کو یقینی بنایا گیا ہے، جب کہ نیا ٹاور مقام اور اونچائی کے لحاظ سے بین الاقوامی معیار اور جدید ہوا بازی کے تقاضوں کے عین مطابق ہوگا۔
