ٹیکنالوجی کمپنی میٹا نے میسنجر اور فیس بک میں آڈیو اور ویڈیو کالنگ کے لیے نئی اپ ڈیٹس متعارف کرانے کا اعلان کیا ہے۔
میٹا کی جانب سے پہلی اپ ڈیٹ ایچ ڈی ویڈیو کالز کی ہوگی جس کو وائی فائی پر ویڈیو کالز کے لیے ڈیفالٹ سیٹنگ پر جاری کیا جائے گا۔
جیسا کہ اس تصویر میں دیکھا جا سکتا ہے کہ صارفین کو ایک آپشن دیا جائے گا جس کی مدد سے وہ موبائل ڈیٹا کا استعمال کرتے ہوئے ایچ ڈی ویڈیو کالز کو آن کر سکیں گے۔ایچ ڈی ویڈیو کی شفافیت واضح طور پر ویڈیو کالنگ کے تجربے کو بہتر کرے گی۔
اس کے علاوہ میٹا پسِ پشت ہونے والے شور کر ختم کرنے اور وائس آئسولیشن کے فیچر متعارف کرانے جا رہا ہے جس کی مدد سے صاف اور اعلیٰ معیاری کال کی جا سکے گی۔کمپنی کی جانب سے آڈیو اور ویڈیو وائس میسجز بھی شامل کیے جائیں گے جس کو صارفین کو لوگوں کے جواب نہ دینے پر استعمال کر سکیں گے۔
