آگ میں لپٹی ایک تیز رفتار گاڑی سڑکوں پر دوڑتی نظر آئی جس کے اندر کوئی ڈرائیور موجود نہیں تھا۔میڈیا رپورٹس کے مطابق واقعہ ہفتے کے روز بھارتی شہر جے پور کے اجمیر روڈ پر پیش آیا، جب روڈ کے درمیان میں چلتی ایک کار کے اندر آگ بھڑک رہی تھی اور پھر وہ ایک کنارے سے جا ٹکرائی۔
LOADING...
گاڑی کون چلا رہا تھا اور آگ کیسے لگی؟
ٹائمز آف انڈیا کی رپورٹ کے مطابق مذکورہ ایس یو وی کار جتیندر جانگڈ نامی شخص ڈرائیور کر رہا تھا۔ جتیندر نے گاڑی کے ایئر کنڈیشن سے دھواں اٹھتے دیکھا تو اس نے پریشان ہو کر اپنے بھائی کو مدد کے لیے فون ملایا۔لیکن چند ہی لمحوں بعد کار بری طرح آگ کی لپیٹ میں آگئی، جس سے ہر طرف دھواں پھیل گیا۔ خطرے کو بھانپتے ہوئے جیتندر نے ہینڈ بریک کھینچا اور خود کو بچانے کے لیے گاڑی سے باہر چھلانگ لگا دی۔پولیس کی گاڑی وہاں پہنچی تو انہوں نے فائر فائٹرز سے فوری طور پر پہنچے اور آگ بجھانے کے لیے رابطہ کیا۔ ابتدائی تحقیقات میں آگ لگنے کی وجہ شارٹ سرکٹ بتائی گئی ہے۔