سوشل میڈیا پر بھارت کی ایک سڑک کی ویڈیو نے سوشل میڈیا صارفین کو حیران کر دیا ہے، جس میں سڑک پر چلتی ہوئی گاڑی سے طلباء گر پڑی ہیں تفصیلات کے مطابق ریاست گجرات کے علاقے ودودارا میں اسکول وین ڈرائیور کی نااہلی کے باعث 2 طلباء زخمی ہوگئی ہیں۔منجالپور میں پیش آیا واقعہ 19 جولائی کا ہے، جہاں گلی کے ایک گھر پر لگے سی سی ٹی وی کیمرے نے پورے واقعے کو عکسبند کردیا۔
سی سی ٹی وی ویڈیو میں دیکھا جا سکتا ہے کہ اسکول وین روڈ پر موجود گٹر کے ڈھکن پر بے دھیانی سے گاڑی چڑھاتا ہوا آگے بڑھا، جس کے باعث وین کا پچھلا گیٹ کھل گیا اور پیچھے موجود 2 لڑکیاں زمین پر جا گریں۔بھارتی میڈیا کے مطابق پولیس نے اسکول وین ڈرائیور کو گرفتار کر کے کارروائی کا آغاز کر دیا ہے، جبکہ آر ٹی او بھی اس واقعے پر تحقیقات کر رہا ہے۔
دوسری جانب ڈرائیور کی غلطی کی صورت میں لائسنس منسوخ کردیا جائے گا۔
