سعودی عرب نے موسم گرما کے دوران براہ راست سورج کی تپش میں کام کرنے والوں پر پابندی عائد کردی۔ سعودی وزارت افرادی قوت و سماجی بہبود نے کہا ہے کہ دوپہر 12 سے 3 بجے تک سورج کی روشنی میں کام کرنے پر پابندی ہوگی جس کا مقصد نجی شعبے کے ملازمین کی صحت یقینی بنانا ہے۔ اعلامیے کے مطابق پابندی کا اطلاق 15 جون سے 15 ستمبر تک ہوگا،خلاف ورزی کرنے پر سخت سزا کی وارننگ دی گئی ہے۔
وزارت کا کہنا ہے کہ دوپہر کے وقت کام پر پابندی نہ کرنے کی رپورٹ یا موبائل پر وزارت کی ایپ کے ذریعے کی جاسکتی ہے،حکام کا کہنا ہے کہ پابندی کا فیصلہ پرائیویٹ سیکٹر کے ملازمین کی صحت و سلامتی کے تحفظ اور انہیں صحت خطرات سے بچانے کی خاطر کیا گیا ہے، پیشہ ورانہ صحت و سلامتی کے حوالے سے بین الاقوامی معیار اپنایا جارہا ہے۔
وزارت افرادی قوت نے پرائیویٹ کمپنیوں واداروں کے مالکان سے کہا کہ وہ اپنے یہاں اوقات کار منظم کریں اور پابندی کو مدنظر رکھ کر ڈیوٹی کے نئے شیڈول جاری کریں،خلاف ورزی کرنےوالوں سخت سزا دی جائے گی۔
