گھروں میں چھپکلیوں سے پریشان اور خوفزدہ رہنے والی خواتین کا حل نکل آیا ، چھپکلی کو مارنے کی شوقین لڑکی صرف 100 روپے میں چھپکلی مارنے آپکے گھر پہنچ جائے گی۔ فیصل آباد سے تعلق رکھنے والی خاتون نے صحافی سے بات کرتے ہوئے بتایا کہ وہ بچپن سے چھپکلیاں مارتی آئی ہیں۔
کیونکہ وہ ان سے بہت نفرت کرتی ہیں۔ ان کا بتانا تھا کہ کالج سکول میں جب چھت سے یا دیوار سے چھپکلی گرتی تھی تو صرف میں وہاں اسے تڑپا تڑپا کے مارتی تھیں، ان کا بتانا تھا کہ وہ اب تک 150 چھپکلیاں مار چکی ہیں۔
ان کا کہنا ہے کہ وہ پورے گھر کی چھپکلیاں مارنے کے 500 روپے لیں گی،بڑی چھپکلی کے 150،درمیانی 100 اور چھوٹی کے 50 روپے لیں گی،خاتون کاکہنا ہے کہ جس کے گھر میں بھی چھپکلیاں ہیں وہ رابطہ کر کے مجھے بلوا سکتے ہیں۔
