دنیا کی معروف موبائل فون کمپنی"سام سنگ"نے پہلا مصنوعی ذہانت والا اسمارٹ فون لانچ کرنے کا اعلان کر دیا۔ غیر ملکی خبر رساں ایجنسی کے مطابق سمارٹ فونز کمپنی "سام سنگ" پہلا مصنوعی ذہانت والا اسمارٹ فون گلیکسی ایس 24 رواں ماہ 17 تاریخ کو لانچ کرے گا۔
کمپنی نے دعویٰ کیا ہے کہ اس کا مصنوعی ذہانت والا اسمارٹ فون گلیکسی ایس 24 نئی اور جدید ترین خصوصیات کے ساتھ فروخت کے تمام ریکارڈز توڑ دے گا۔ گلیکسی ایس 24 کو کیلیفورنیا میں لانچ کیا جائے گا۔
ٹک ٹاک سے پیسے کمانا اب صارفین کیلئے زیادہ آسان ہوگیا۔
ماہرین کے مطابق ایسا پہلی مرتبہ ہو گا کہ اسمارٹ فونز بنانے والی کوئی کمپنی نئے سال کے آغاز پر ہی دُنیا میں تہلکہ مچا دے گی کیونکہ کمپنی مصنوعی ذہانت کی ٹیکنالوجی کی خصوصیات کا حامل پہلا اسمارٹ فون لانچ کرنے جا رہی ہے۔
اے آئی چیٹ بوٹس والے ان اسمارٹ فونز پر بات چیت کو زیادہ محفوظ اور نجی رکھا جا سکے گا کیونکہ سوالات کو کلاؤڈ پر بھیجنے کی ضرورت نہیں ہو گی۔
