سول ایوی ایشن کی ویب سائٹ چند گھنٹوں میں دوسرا سائبر حملہ کرتے ہوئے ہیک کرلی گئی۔
ویب سائٹ کھولنے پر غیر ملکی زبان میں پیغام نظر آرہا ہے جبکہ ویب سائٹ مکمل طور پر غیر فعال ہو چکی ہے۔
یہ سول ایوی ایشن کی ویب سائٹ پر چند گھنٹوں میں دوسرا سائبر اٹیک ہے، اس سے قبل پہلے حملے کے بعد ویب سائٹ بحال کردی گئی تھی تاہ دوبارہ حملے میں اسے ہیک کرلیا گیا۔
ایلون مسک کا بڑا اعلان۔
وزرات ہوا بازی ذرائع کے مطابق ویب سائٹ کی بحال کا کام جاری ہے۔
ذرائع کے مطابق آئی ٹی ماہرین نے پہلے سائبر حملے کے بعد ویب سائٹ پر فوری کام کرتے ہوئے اسے بحال کردیا تھا تاہم چند گھنٹوں بعد ایک اور سائبر حملے میں سول ایوی ایشن کی ویب سائٹ مکمل غیر فعال ہوگئی اور اس پر موجود اتمام معلومات بظاہر غائب ہوچکی ہیں۔
حکام کے مطابق وفاقی ادارے کے آئی ٹی ماہرین نے ویب سائٹ بحال کرنے کے لیے کام شروع کردیا ہے۔
واضح رہے کہ سول ایوی ایشن کی ویب سائٹ ہیک کرنے کا یہ پہلا واقعہ نہیں ہے، چند سال قبل بھی بھارتی ہیکرز نے کابینہ ڈویژن، وزارت دفاع ، اطلاعات اور مواصلات سمیت دیگرکئی اداروں کی ویب سائٹس کو ہیک کرلیا تھا۔
