کیا امارات ائرلائن پاکستان سے لوگ بھرتی کر رہی ہے؟

متحدہ عرب امارات کی مشہور ترین فضائی کمپنی ایمریٹس ائرلائن اپنی کیبن کریو ٹیم کے لیے دنیا بھر سے بہترین عملہ منتخب کر رہی ہے۔ لیکن کیا یہ پاکستان سے بھی لوگوں کو ملازمتیں دے رہی ہے؟

بہت سے لوگوں نے حیرت کا اظہار کیا ہے کہ قطر ائرویز کی طرح جو کراچی اور لاہور میں اسی ڈیپارٹمنٹ کیلئے لوگ تلاش کر رہی ہے، ایمریٹس بھی یہاں بہترین امیدواروں کی تلاش میں ہے

ٹوئٹر کے بلیو ٹک صارفین کے لیے اچھی خبر

آج نیوز نے ایمریٹس کی گروپ کیریئر سائٹ چیک کی تو پایا کہ جولائی میں پاکستانی امیدواروں کے لیے کسی ملازمت کا اشتہار نہیں دیا گیا تھا، صرف انٹرویوز کی دعوت دی گئی تھی، اسی طرح کے دعوے کچھ سوشل میڈیا پوسٹس اور چند ویب سائٹس پر کیے گئے تھے۔

تاہم، ویب سائٹ پر 30 اگست 2023 کو اسلام آباد میں انٹرویوز کا شیڈول موجود ہے۔جولائی میں، ائر لائن کوالالمپور میں عملے کی تلاش کررہی ہے، اور کم از کم اس مہینے تو کسی دوسرے ایشیائی ملک نہیں آرہی۔

ملائیشین دارالحکومت میں 7 جولائی کو صبح 9 بجے صرف انٹرویوز مقرر کیے گئے تھے، جن کے لیے امیدواروں کو آن لائن درخواست دینے کا مشورہ دیا گیا تھا۔

کیرئیر کی آفیشل ویب سائٹ میں جون یا مئی میں بھرتیوں کو کوئی ذکر نہیں ہے، حالانکہ ایک پاکستانی ویب سائٹ نے دعویٰ کیا تھا کہ مئی میں کراچی اور اسلام آباد میں بھرتی کی ایک بڑی مہم چلائی گئی۔ایک اور ویب سائٹ نے کہا تھا کہ گزشتہ ماہ مذکورہ دونوں ممالک میں صرف انویٹیشن انٹرویوز کیے گئے تھے۔

تاہم، جولائی 2023 کے لیے شیڈول انٹرویوز کی فہرست میں پاکستان کا کوئی ذکر نہیں ہے، حالانکہ 30 اگست کو اسلام آباد میں امیدواروں کے انٹرویوز کیے جائیں گے۔آئیے دیکھتے ہیں کہ ایمریٹس کیبن کریو ٹیم کا حصہ بننے کے لیے آپ کو کن چیزوں کی ضرورت ہے۔

معیار

تحریری اور بولی جانے والی انگریزی میں روانی (اضافی زبانیں ایک فائدہ ہیں)

ایک قدرتی ٹیم پلئیر جس کی شخصیت روشن ہو۔

قد 160 سینٹی میٹر سے 212 سینٹی میٹر تک ہو۔

متحدہ عرب امارات کے ایمپلائمنٹ ویزا کی ضروریات پر پورا اترتا ہو۔

مہمان نوازی یا کسٹمر سروس کا کم از کم ایک سال کا تجربہ

کم از کم ہائی اسکول (12 جماعتوں) کی تعلیم

ایمریٹس کیبن کریو یونیفارم میں کوئی ٹیٹو نظر نہ آتا ہو

خواتین

بال: صفائی سے پیچھے بندھے ہوئے ہوں۔

چہرہ: مکمل میک اپ کے ساتھ

ڈریس کوڈ: بزنس

جوتے: ہیلز والے

مرد

بال: صفائی کے ساتھ سنورے ہوئے

چہرہ: کلین شیون

ڈریس کوڈ: سوٹ/اسمارٹ بزنس سوٹ

جوتے: رسمی کام کے جوتے

امیدواروں کو ائرلائن کی سات مراحل پر مشتمل کیبن کریو ٹریننگ سے گزرنا ہوگا۔ جس میں شمولیت، حفاظت اور ہنگامی طریقہ کار کی تربیت، گروپ میڈیکل ٹریننگ، سیکورٹی، یکساں معیارات، خدمت کرنے والی شخصیت اور سروس شامل ہیں۔

ایمریٹس فیملی کا حصہ بننے کے بعد آپ کے پاس کیا ہوگا؟

10,170 درہم کی اوسط ماہانہ تنخواہ بشمول 4,430 کی ماہانہ بنیادی تنخواہ اور 63.75 درہم فی گھنٹہ کا فلائنگ الاؤنس (اوسط 80 سے 100 گھنٹے پرواز کی بنیاد پر) دیا جائے گا، یہ گریڈ ٹو، اکانومی کلاس کے لیے تخمینی نمبر ہیں۔

نائٹ اسٹاپس کے لیے فوڈ الاؤنس تنخواہ میں شامل کیے جاتے ہیں۔ ہوٹل میں رہائش کے ساتھ ساتھ ائرپورٹ تک سواری دی جاتی ہے۔

ایمریٹس کے عملے کے سفری مراعات اسٹاف ٹریول مینوئل میں بیان کردہ رہنما خطوط کے مطابق ہیں۔

پانی اور بجلی سمیت مفت فرنشڈ ہاؤسنگ۔ خاندان کے دو افراد سال میں دو بار زیادہ سے زیادہ 30 دن تک اپارٹمنٹ میں رہ سکتے ہیں۔

کمپنی کام اور ٹریننگ کالج سے سفری سہولت فراہم کرتی ہے۔

یونیفارم مفت ہے، اس کی ڈرائی کلیننگ بھی مفت ہے۔

ملازمین 30 دن کی سالانہ چھٹی کے حقدار ہیں۔ اور انہیں آبائی ملک میں سالانہ چھٹی کے لیے ایک مفت ٹکٹ بھی فراہم کیا جاتا ہے۔

دلچسپی رکھنے والے امیدوار ایمریٹس گروپ کیریئر پیج کے ذریعے درخواست دے سکتے ہیں۔

خلیج ٹائمز کی رپورٹ کے مطابق، دبئی کے ایمریٹس گروپ نے صرف 2022 سے 23 میں اپنی ٹیم میں 85,219 عملے کو شامل کیا۔کمپنی کے کل ملازمین کی تعداد 102,379 تک ہے جو پچھلے سال کے مقابلے میں 20.1 فیصد زیادہ ہے۔

حوالہ