خبردار! چیٹ جی پی ٹی پر یہ چیزیں مت پوچھیں
دنیا کے سب سے بڑی سرچ انجن کو ٹکر دینے والے آرٹیفیشل انٹیلیجنس پر مبنی پلیٹ فارم چیٹ جی پی ٹی (ChatGPT) معلومات کی آسانی سے دستیابی کی وجہ سے بہت مقبول ہو چکا ہے۔
صارفین چیٹ جی پی ٹی کی مدد سے معلومات کے ساتھ ساتھ ایڈیٹنگ اور سرچنگ کا کام لے رہے ہیں تاہم ماہرین نے صحت سے متعلق امور پر اس کی مدد لینے سے منع کیا ہے۔
طبی ماہرین کی جانب سے اس ٹیکنالوجی کو چانجنے اور اس کی قابلیت پرکھنے کے لیے صحت سے متعلق چند سوالات تیار کیے گئے۔
اِن سوالات کا چیٹ جی پی ٹی سے متعلق یہ معلومات اکٹھی کرنا تھا کہ آیا یہ پلیٹ فارم صحت سے متعلق پوچھے جانے والے سوالوں کا قابلِ اعتماد جواب دیتا بھی ہے یا نہیں۔
طبی ماہرین کی جانب سے کی جانے والی اس تحقیق کے نتائج کے مطابق یہ چیٹ بوٹ صحت سے متعلق پوچھے جانے والے سوالات کا مناسب جواب دے سکتا ہے۔
ماہرین نے چیٹ جی پی ٹی کو دوسرے طبی ذرائع سے بہتر پایا ہے مگر ماہرین کے مطابق چیٹ جی پی ٹی 100 فیصد صحیح طبی مشورہ فراہم نہیں کر سکتا ہے۔
