سلمان خان کے چہرے پر مکا کس نے مارا؟ ویڈیو وائرل
بالی وڈ کے دبنگ اداکار سلمان خان کی سابق گرل فرینڈ اور اداکارہ سنگینا بجلانی کی طرف سے عید ملن پارٹی میں ان کے چہرے پر مذاق میں پنچ مارنے کی ویڈیو سوشل میڈیا پر وائرل ہے۔
بھارتی میڈیا کے مطابق سلمان خان کی بہن ارپیتا اور بہنوبی ایوش شرما کی جانب سے ممبئی میں ایک عید ملن پارٹی کا اہتمام کیا گیا جس میں سلمان خان اور سنگینا بجلانی سمیت دیگر نامور شخصیات بھی شریک ہوئیں
ایسی ہی ایک چند سیکنڈ کی ویڈیو سلمان خان اور سنگیتا بجلانی کی بھی ہے جس میں دونوں کو خوشگوار موڈ میں ایک ساتھ دیکھا جا سکتا ہے۔
وائرل ویڈیو میں دیکھا جا سکتا ہے کہ ایک صحافی سلمان خان کو بتاتا ہے کہ سنگینا بجلانی بھی آپ کے پیچھے آ رہی ہیں، سلمان خان سابق گرل فرینڈ کی طرف چہرہ کر کے کچھ کہنے ہی والے ہوتے ہیں کہ اسی دوران سنگیتا بجلانی ان کے چہرے پر مذاق میں پنچ مارتی ہیں اور اس موقع پر سلمان خان کو بھی مسکراتے دیکھا جا سکتا ہے۔
