گوگل نے سرچنگ میں تبدیلی کرکے صارفین کو حیران کردیا
گوگل نے سرچ میں بڑی تبدیلی کا اعلان کردیا ،گوگل کے مطابق ڈیسک ٹاپ پر گوگل سرچ کے نتائج صفحات میں تقسیم ہونے کے بجائے اب مسلسل اسکرول کی صورت میں لوڈ ہوں گے۔
گوگل کے مطابق صارفین کو سرچ کے مزید نتائج دیکھانے کے لیے see more کے بٹن پر کلک کرنے سے مزید نتائج اسکرول کی صورت میں لوڈ ہوں گے۔یہ تبدیلی گزشتہ سال اکتوبر میں موبائل صارفین کیلئے سامنے آئی تھی جسے اب ڈیسک ٹاپ پر بھی متعارف کرادیا گیا ہے۔
گوگل کے مطابق یہ تبدیلی سب سے پہلے امریکا میں انگریزی میں گول سرچ کرنے والے صارفین کے لیے شروع کی جا رہی ہے اور توقع ہے کہ جلد ہی اسے پاکستان سمیت دیگر ملکوں میں بھی متعارف کرادیا جائے گا۔ وقت کے ساتھ اس میں دیگر زبانوں کو شامل کیا جائے گا۔گوگل سرچ میں ہونے والی یہ تبدیلی سوشل میڈیا فیڈز کے ڈیزائن کی آئینہ دار ہے جہاں صفحے کو نیچے اسکرول کرنے پر نیا مواد مسلسل لوڈ ہوتا رہتا ہے۔
Starting today, we’re bringing continuous scrolling to desktop in English in the U.S. so you can continue to see more search results easily. When you reach the bottom of a search results page, you'll now be able to see up to six pages of results. pic.twitter.com/xIuVP24FFm
— Google (@Google) December 5, 2022
