Peshawar (Online) Former Speaker National Assembly Asad Qaiser has said that we are not slaves to anyone, we want independent foreign policy. Speaking to the media on the occasion of his appearance in the Peshawar High Court, the former speaker of the National Assembly said that he did not come to seek bail before arrest.
پشاور ( آن لائن )سابق سپیکر قومی اسمبلی اسد قیصر نے کہا ہے کہ ہم کسی کے غلام نہیں، آزاد خارجہ پالیسی چاہتے ہیں۔ پشاور ہائیکورٹ میںپیشی کے موقع پرمیڈیا سے گفتگو کرتے ہوئے سابق سپیکرقومی اسمبلی نے کہا کہ ضمانت قبل از گرفتاری کرانے نہیں آیا ہوں
، اکا ئونٹ ہم نے صرف سہولت کے لیے کھولا تھا یہ غیرقانونی نہیں ہے، یہ ایف آئی اے کا اختیار نہیں ہے، اکائونٹ ملازمین کی تنخواہوں اور دفتر کے اخراجات کے لیے کھولا تھا۔انہوں نے کہا کہ اکا ئونٹ سے رقم جمع اور نکالنے کے تمام امور بذریعہ چیک ہوئے ہیں، پارٹی اس وقت ایک تحریک کے عمل سے گزر رہی ہے، عمران خان مستقبل کے وزیر اعظم ہیں۔ قومی اسمبلی کے سابق اسپیکر کا کہنا ہے کہ اکائونٹ سے 6 سال میں صرف 21 لاکھ روپے کی ٹرانزیکشن ہوئی۔واضح رہے کہ سابق اسپیکر قومی اسمبلی اور پاکستان تحریک انصاف (پی ٹی آئی) کے رہنما اسد قیصر نے وفاقی تحقیقاتی ادارے (ایف آئی اے) کا نوٹس پشاور ہائی کورٹ میں چیلنج کرنے کا فیصلہ کیا ہے۔یاد رہے کہ ممنوعہ فنڈنگ کیس میں ایف آئی اے نے اسد قیصر کو 11 اگست کو طلب کیا ہے۔
