PTI Chairman Imran Khan and PML-N leader Maryam Nawaz came face to face over the issue of journalist Imran Riaz's arrest.
صحافی عمران ریاض کیس، عمران خان اور مریم نواز آمنے سامنے آگئے
صحافی عمران ریاض کی گرفتاری کے معاملے پر پی ٹی آئی کے چیئرمین عمران خان اور مسلم لیگ ن کی رہنما مریم نواز آمنے سامنے آگئے۔
عمران خان نے کہا کہ عمران ریاض کو ایسے پنجرے میں رکھا گیا، ایسا سلوک تو مہذب ملکوں میں کسی جانور کے ساتھ نہیں ہوتا، جس کے جواب میں مریم نواز نے کہا کہ مجھے کئی ماہ تک سزائے موت کی کوٹھری میں رکھا گیا، جہاں کمرے اورباتھ روم کے درمیان بھی کوئی دیوار نہیں تھی، کیا آپ کو اس کوٹھری کی تصویریں بھیجی جائیں؟
چیئرمین پی ٹی آئی عمران خان نے اینکر پرسن عمران ریاض کو زہر دیے جانے کے خدشے کا اظہار کیا ہے۔ٹوئٹر پر جاری بیان میں عمران خان نے کہا کہ عمران ریاض کو ایسی جیل میں رکھا گیا جہاں مہذب ممالک جانور کو بھی نہ رکھیں، عمران ریاض کو زہر دینےکا بھی شبہ ہے، تمام ذمہ داروں کو شرم آنی چاہیے۔
