بیوی نے چلتی موٹر سائیکل پر چپلوں سے شوہر کی پٹائی کردی

چلتی موٹر سائیکل پر  شوہر کو چپلوں سے مارنے والی بیوی کی ویڈیو نے سوشل میڈیا پر ہنگامہ کھڑا کر دیا۔بھارت کے شہر لکھنؤ سے ایک ویڈیو سوشل میڈیا پر تیزی سے وائرل ہو رہی ہے جس میں ایک عورت کو موٹر سائیکل چلاتے اپنے شوہر پر چپلوں کی بارش کرتے ہوئے دیکھا جا سکتا ہے۔

LOADING...

 یہ ویڈیو مائیکرو بلاگنگ ویب سائٹ ایکس پر ایک اکاؤنٹ سے شیئر کی گئی جس میں دعویٰ کیا گیا کہ بائیک پر سوار یہ دونوں میاں بیوی ہیں۔ ویڈیو کو اب تک 4 لاکھ 68 ہزار سے زائد مرتبہ دیکھی جا چکی ہے۔ویڈیو میں دیکھا جا سکتا ہے کہ ایک شخص موٹر سائیکل چلا رہا ہے اور خاتون پیچھے بیٹھی ہوئی ہے، اچانک وہ غصے میں آ کر چپل سے اس کو مارنے لگتی ہے اور ساتھ میں اس پر چیختی بھی ہے۔ 

Kalesh b/w Husband and wife on running bike, Wife started beating her husband over some mutual dispute In Lucknow UP pic.twitter.com/7Nay1x9tgi

— Ghar Ke Kalesh (@gharkekalesh) May 20, 2025

 حیرت انگیز بات یہ ہے کہ مرد پورے وقت پرسکون رہا اور ڈرائیونگ پر توجہ مرکوز رکھے رہا، حتیٰ کہ اس نے پلٹ کر بھی نہیں دیکھا۔تاہم اس واقعے نے کئی اہم سوالات کھڑے کر دیے، ایک جانب جہاں گھریلو تشدد کی یہ نئی شکل زیر بحث آ گئی، وہیں سڑک پر پیش آنے والے اس واقعے نے عوامی اور روڈ سیفٹی سے متعلق خدشات کو بھی جنم دے دیا۔

سوشل میڈیا صارفین نے بھی اس ویڈیو پر اپنے ردعمل کا اظہار کیا۔ ایک صارف نے لکھا کہ یہ واقعہ کسی بھی وقت حادثے کا سبب بن سکتا ہے، ایک اور نے کہا بہت خطرناک، ایسے میں حادثہ ہو جانا بعید نہیں۔جبکہ کسی نے طنزیہ انداز میں لکھا کہ کیا کیا دیکھنا پڑ رہا ہے اس دور میں، اے خدا کاش میں 1970ء میں پیدا ہوا ہوتا۔

حوالہ