محکمہ موسمیات نے بارشوں کی ایک اور پیش گوئی کر دی ہے جس سے رواں ہفتے گرمی کی لہر ختم ہونے کا امکان ہے۔ محکمہ موسمیات کے مطابق رواں ہفتے 4 سے 7 جون کے دوران ملک کے مختلف علاقوں میں بارشوں کا امکان ہے، کمزور مغربی ہواؤں کی لہر منگل شام یا رات کو ملک کے بالائی و وسطی علاقوں میں داخل ہونے کا امکان ہے۔
مغربی لہر 3 دنوں تک برقرار رہنے کی توقع ہے، اسلام آباد سمیت پنجاب کے مختلف علاقوں میں 4 سے 6 جون کے دوران آندھی جھکڑ چلنے گرج چمک کے ساتھ بارش کی توقع ہے۔محکمہ موسمیات کا مزید کہنا ہے کہ 4 سے 8 جون کے دوران خیبرپختونخوا کے مختلف علاقوں گلگت بلتستان اور کشمیر کے مختلف علاقوں میں آندھی جھکڑ چلنے اور گرج چمک کے ساتھ بارش کا امکان ہے۔
5 سے 7 جون کے دوران بلوچستان کے مختلف علاقوں میں جھکڑ چلنے آندھی اور گرج چمک کے ساتھ بارش کا امکان ہے، سندھ میں سکھر، جیکب آباد، کشمور اور لاڑکانہ میں 6 سے 7 جون کے دوران جھکڑ چلنے آندھی اور گرج چمک کے ساتھ بارش کا امکان ہے۔
صوبہ پنجاب میں راولپنڈی، مری، گلیات ، چکوال، جہلم، منڈی بہاؤالدین ، گجرات، گوجرانوالہ، حافظ آباد، سیالکوٹ، لاہور میں آندھی جھکڑ چلنے اسر گرج چمک کے ساتھ بارش کا امکان ہے، تاہم نارووال، قصور، شیخوپورہ ، اوکاڑہ ،فیصل آباد، ٹوبہ ٹیک سنگھ، جھنگ، خوشاب، سرگودھا میانوالی میں آندھی جھکڑ چلنے اور گرج چمک کے ساتھ بارش کا امکان ہے۔
