بالی وُڈ اداکار شاہ رخ خان اور مکیش امبانی کی ایک تصویر ان دنوں سوشل میڈیا پر وائرل ہے، جس میں کچھ ایسا ہے جو کہ سب کی توجہ حاصل کر رہا ہے۔بھارتی میڈیا کے مطابق مکیش امبانی اور شاہ رخ خان او آر یس کا استعمال کرتے دکھائی دیے ہیں، جس پر سوشل میڈیا صارفین بھی حیران رہ گئے ہیں۔
تفصیلات کے مطابق نریندر مودی کی وزیر اعظم کے عہدے کا حلف لینے کی تقریب میں مکیش امبانی، گوتم اڈانی، شاہ رخ خان اور اکشے کمار سمیت کئی شخصیات شامل تھیں۔اتوار کے روز راشتراپتی بھون میں وزیر اعظم کے عہدے کی حلف برداری کی تقریب منعقد ہوئی تھی، اسی دوران کنگ خان شاہ رخ خان اور مکیش امبانی کی تصویر وائرل تھی۔
جس میں دونوں شخصیات خوشگوار موڈ میں تھیں۔ہندوستان ٹائمز کے مطابق دونوں شخصیات ہاتھوں میں او آر ایس پکڑے دکھائی دیے، چہروں پر مسکراہٹ لیے شاہ رخ خان اور مکیش امبانی سب کو اپنی جانب متوجہ کر رہے تھے۔جبکہ بھارتی میڈیا کے مطابق اس او آر ایس کی قیمت 31 بھارتی روپے بنتے ہیں جو کہ پاکستانی 100 روپے سے زائد کی رقم بنتی ہے۔
اس پر سوشل میڈیا صارفین کی جانب سے بھی دلچسپ ردعمل کا اظہار کیا جا رہا ہے، ایک صارف کا کہنا تھا کہ بس اتنا امیر ہونا ہے کہ ایسے او آر ایس پی سکوں۔
