Shoe thrown at Rana Sanaullah, video viral

 

رانا ثناءاللہ پر جوتا پھینک دیا گیا، ویڈیو وائرل

وزیرداخلہ رانا ثنااللہ پر  جوتا پھینک دیا گیا۔ ملزم کی شناخت ہوگئی اور تصویر بھی منظر عام پر آگئی ہے۔

تفصیلات کے مطابق وزیر داخلہ رانا ثنااللہ پنجاب اسمبلی سے باہر نکل کر  گاڑی میں سوار ہورہے تھے کہ اس دوران اچانک  ان پر نامعلوم شخص نے جوتا پھینک دیا۔

رانا ثناء اللہ گاڑی میں سوار ہوچکے تھے جبکہ  جوتا گاڑی کی سکرین پر جا لگا۔ جس کے بعد نامعلوم شخص  موقع سے فرار  ہونے میں کامیاب ہوگیا۔ 

وزیرداخلہ نے اپنے اوپر جوتا اچھالے جانے کے معاملے پر عدم توجہ دی اور اپنے اسکواڈ کے ساتھ چلتے بنے۔

دوسری جانب رانا ثنااللہ پر جوتا پھینکنے والے شخص کی شناخت بھی ہوگئی ہے۔ذرائع کے مطابق  جوتا مبینہ طور پر پی ٹی آئی کے رکن پنجاب اسمبلی راشد حفیظ کے ڈرائیور کی جانب سے اچھالا گیا۔ج وفاقی وزیر داخلہ رانا ثناءاللہ خاں کی گاڑی کی فرنٹ سکرین پر لگا۔ 


Advertisement


Advertisement