More Users will Now be able to Earn Revenue from Facebook

 


California: Facebook has introduced the option to make money on one minute video and stream in the style of tick talk. This option aims to attract more users to Facebook videos and provide them with better financial revenue opportunities.

فیس بک نے ٹک ٹاک کی طرز پر ایک منٹ کی ویڈیو اور اسٹریم پر بھی رقم کمانے کا آپشن پیش کردیا ہے۔ اس آپشن کے تحت زیادہ سے زیادہ صارفین کو فیس بک ویڈیو کی جانب راغب کرنا ہے اور انہیں بہتر مالی آمدنی کے مواقع بھی فراہم کرنا ہے۔

جی ہاں فیس بک کی خواہش ہے کہ صارفین اس سوشل میڈیا نیٹ ورک سے اضافی آمدنی حاصل کرسکیں اور اس کے لیے کچھ کرنے کی بجائے صرف ٹک ٹاک جیسی مختصر ویڈیوز کو بناکر پوسٹ کرنا ہوگا۔

دنیا کی مقبول ترین سوشل میڈیا ویب سائٹ میں نئے اشتہاری پروگرام کو متعارف کرایا جارہا ہے جس سے فیس بک کریٹئیرز کے لیے آمدنی کے حصول کا ایک آسان ذریعہ ویڈیوز بن جائیں گی اور ایپ کو ٹک ٹاک کو ٹکر دینے میں مدد ملے گی۔

فیس بک کے مطابق ایک منٹ طویل ویڈیوز اور لائیو اسٹریم ایونٹس کے ساتھ ساتھ اشتہارات کے ذریعے آمدنی کا حصول ممکن ہوگا۔
فیس بک کے ایپ مونیٹائزیشن کے ڈائریکٹر یواو ارنسٹین نے بتایا کہ کمپنی کی جانب سے مختصر اور لائیو ویڈیوز سے کمانے کا ذریعہ فراہم کرنے پر کام کیا جارہا ہے۔

ٹک ٹاک میں کریٹئیرز کو ایپ کے کریٹئیرز فنڈ سے ویڈیو کے ویوز کے ذریعے کمانے کا موقع ملتا ہے۔

اس فنڈ کا حصہ بننے کے لیے اپلائی کرنے پر 30 دن کے اندر کم از کم 10 ہزار فالوورز اور 10 ہزار منٹ ویوز کی شرائط کو پورا کرنا ضروری ہوگا۔

اس پروگرام سے ہر ایک ہزار ویوز پر صارف کو 2 سے 3 سینٹ آمدنی ہوتی ہے اور فنڈ کا حصہ بننے والے اکثر صارفین 200 سے 20 ہزار ڈالرز تک کمالیتے ہیں۔

اس کے مقابلے میں ابھی فیس بک کی اشتہاری مہم میں ہر ایک ہزار ویوز پر 8.75 ڈالرز ادا کیے جاتے ہیں، مگر کچھ کریٹئیرز سائٹ سے لاکھوں ڈالرز کماتے ہیں تو کچھ ایسے بھی ہیں جن کے ویوز تو لاکھوں میں ہوتے ہیں مگر آمدنی کچھ بھی نہیں۔

اس سے قبل فیس بک کے مونیٹائزیشن پروگرام کے لیے کم از کم 3 منٹ طویل ویڈیو کی ضرورت ہوتی تھی اور انوائیٹ اونلی لائیو ان اسٹریم اشتہارات کی اجازت تھی۔

مگر نئی اپ ڈیٹ کے بعد زیادہ صارفین فیس بک پر اپنی ویڈیوز سے کماسکیں گے۔

اس پروگرام کے لیے خود کو اہل ثابت کرنے کے لیے فیس بک صارف کے یج پر کم از کم 10 ہزار فالوورز اور مجموعی طور پر 6 لاکھ منٹ ویڈیو ویوز گزشتہ 2 ماہ میں درکار ہوں گے، جبکہ کم از کم 5 لائیو ویڈیو یا اپ لوڈ کی جانے والی اسٹریمز بھی شرائط کا حصہ ہیں۔

صارفین اپنی اہلیت کو جاننے کے لیے اس لنک پر جاکر دیکھ سکتے ہیں۔


فیس بک نے یہ بھی بتایا کہ اس کی جانب سے اسٹوریز فیچر میں اسٹیکرز اشتہارات کی آزمائش بھی کی جارہی ہے جس سے کریٹئیرز کو مزید آمدنی کے حصول کا موقع ملے گا۔

Post a Comment

٭ news.naseerudin.com and its policy do not necessarily agree with the comments.

Previous Post Next Post

Advertisement


Advertisement